Colloqviminī, O Sodālēs Latīnophōnī, in hōc novō Locūtōriō Virtuālī (chatroom) cum aliīs SCHOLÆ sodālibus.
LOCŪTŌRIUM VIRTUĀLE SCHOLÆ
Sī in līneā Interrētiālī cum Scholā nunc es, inscrībe, sīs, nōmen tuum et agedum: Intrā in Scholæ Locūtōrium Virtuāle, fenestrā hūjus Locūtōriī in angulō qvadrī vīsíficī (screen) apertā relictā qvō facilius perspectēs qvis alius in Locūtōriō sit cum qvō confābulārī (chat) forsitan velīs.
Memor estō illīus sapientis et vétĕris prōverbiī:
"Piscātor patiēns prǽdam suam capit."
"Qvōmodo illūc intrābō", fortasse interrogās. Preme cyberpressōrium (mouse) tuum super internexum rubrum(red link) qvī suprā appāret, et qvadrātum confestim vidēbis ubi "Screen Name" (nōmen cybernēticum) legēs. Dēlē deinceps "Screen Name", et ĭbĭdem intrōdūc, ope plēctrológiī (keyboard), tuum usōris nōmen. Deinde prĕmĕ cyberpressōrium super spatíŏlum qvod iuxtā est, ubi ánglicē legitur: "Log In" (= inscrībe hīc nōmen tuum ut in situm intrēs). Postrēmō prĕmĕ cyberpressōrium ĭbĭdem, et ecce: DICTVM FACTVM!
Nec cryptogrăphēma nec inscriptiōnem ēlectrónicam tuam est necesse intrōdūcere! Qvid potest simplicius esse?
In Locutōriō Virtuālī Scholæ, porrō, cum aliīs collŏqviōrum partĭcĭpĭbus pŏtĕrĭs commūnĭcāre, micrŏphōnum aut machĭnam phōtographĭcam tēlārem adhibēns, aut - sī vétĕrem, venerābilem, expertam, atqve, insuper, ā mājōribus trādĭtam commūnicātiōnis viam māvīs qvam illa technológiā modernā excogitāta artifícia - ad simplĭcem scriptiōnem, in mŏdum mŏnăchōrum mediævālium, confúgiēns.
No comments:
Post a Comment